آج جن جھیلوں کا بس کاغذ میں نقشہ رہ گیا
ایک مدت تک میں اُن آنکھوں سے بہتا رہ گیا
میں اُسے ناقابل ِ برداشت سمجھا تھا مگر
وہ مرے دل میں رہا اور اچھا خاصہ رہ گیا
وہ جو آدھے تھے تجھے مل کر مکمل ہو گئے
جو مکمل تھا وہ تیرے غم میں آدھا رہ گیا
جسم کی چادر پہ راتیں پھیلتی تو تھیں مگر
میرے کاندھے پر ترا بوسہ ادھورا رہ گیا
وہ تبسم کا تبرک بانٹتا تھا اور میں
چیختا تھا اے سخی پھر میرا حصہ رہ گیا
آج کا دن سال کا سب سے بڑا دن تھا تو پھر
جو ترے پہلو میں لیٹا تھا وہ اچھا رہ گیا
سر میں سودا
بھی نہیں، دل میں تمنّا بھی نہیں
لیکن اِس ترکِ
محبت کا بھروسہ بھی نہیں
دل کی گنتی نہ
یگانوں میں نہ بیگانوں میں
لیکن اُس جلوہ
گہہِ ناز سے اُٹھتا بھی نہیں
شکوۂ جور کرے
کیا کوئی اُس شوخ سے جو
صاف قائل بھی
نہیں، صاف مُکرتا بھی نہیں
مہربانی کومحبت
نہیں کہتے، اے دوست
آہ اب مجھ سے
تری رنجش بیجا بھی نہیں
بات یہ ہے کہ
سکونِ دلِ وحشی کا مقام
کنجِ زنداں بھی
نہیں، وسعتِ صحرا بھی نہیں
مدّتیں ہوئیں، تِری یاد بھی آئی نہ ہمیں
اور تمھیں بھول
گئے ہوں کبھی، ایسا بھی نہیں
-٭-
جب تیری دھن میں جیا کرتے تھے
ہم بھی چپ چاپ پھرا کرتے تھےآنکھ میں پیاس ھوا کرتی تھی
دل میں طوفان اٹھا کرتے تھےلوگ آتے تھے غزل سننے کو
ہم تیری بات کیا کرتے تھےکسی ویرانے میں تجھ سے مل کر
دل میں کیا پھول کھلا کرتے تھےگھر کی دیوار سجانے کے لیے
ہم تیرا نام لکھا کرتے تھےوہ بھی دن تھے بھلا کر تجھ کو
ہم تجھے یاد کیا کرتے تھےجب تیرے درد میں دل دُکھتا تھا
ہم تیرے حق میں دعا کرتے تھےبجھنے لگتا جو چہرہ تیرا
داغ سینے میں جلا کرتے تھےاپنے جذبوں کی کمندوں سے تجھے
ہم بھی تسخیر کیا کرتے تھےاپنے آنسو بھی ستاروں کی طرح
تیرے ہونٹوں پہ سجا کرتے تھےچھیڑتا تھا غم دنیا جب بھی
ہم تیرے غم سے گلہ کرتے تھےکل تجھے دیکھ کے یاد آیا ھے
ہم سخنور بھی ہوا کرتے تھے-٭-
(محسن نقوی)
تو کسی اور ہی دنیا میں ملی تھی مجھ سے
تو کسی اور ہی موسم کی مہک لائی تھی
ڈر رہا تھا کہ کہیں زخم نہ بھر جائیں میرے
اور تو مٹھیاں بھر بھر کے نمک لائی تھی
اور ہی طرح کی آنکھیں تھی تیرے چہرے پر
تو کسی اور ہی ستارے کی چمک لائی تھی
تیری آواز ہی سب کچھ تھی مجھے مونثِ جاں
کیا کروں میں کہ تو بولی ہی بہت کم مجھ سے
تیری چپ سے ہی یہ محسوس کیا تھا میں نے
جیت جائے گا کسی روز تیرا غم مجھ سے
شہر آوازیں لگاتا تھا مگر تو چپ تھی
یہ تعلق مجھے کھاتا تھا مگر تو چپ تھی
وہی انجام تھا عشق کا جو آغاز سے ہے
تجھ کو پایا بھی نہیں تھا کہ تجھ کھونا تھا
چلی آتی ہے یہی رسم کئی صدیوں سے
یہی ہوتا تھا یہی ہو گا یہی ہونا تھا
پوچھتا رہتا تھا تجھ سے کہ بتا کیا دکھ ہے
اور میری آنکھ میں آنسو بھی نہیں ہوتے تھے
میں نے اندازے لگائے کہ سبب کیا ہو گا
پر میرے تیر ترازو ہی نہیں ہوتے تھے
جس کا ڈر تھا مجھے معلوم پڑا لوگوں سے
پھر وہ خوش بخت پلٹ آیا تیری دنیا میں
جس کے جانے پہ مجھے تو نے جگہ دی دل میں
میری قسمت میں ہی جب خالی جگہ لکھی تھی
تجھ سے شکوہ بھی اگر کرتا تو کیسے کرتا ۔۔
میں وہ سبزہ تھا جسے روند دیا جاتا ہے
میں وہ جنگل تھا جسے کاٹ دیا جاتا ہے
میں وہ در تھا جسے دستک کی کمی کھاتی ہے
میں وہ منزل تھا جہاں ٹوٹی سڑک جاتی ہے
میں وہ گھر تھا جسے آباد نہیں کرتا کوئی
میں تو وہ تھا کہ جسے یاد نہیں کرتا کوئی
خیر اس بات کو تو چھوڑ بتا کیسی ہے؟؟
تو نے چاہا تھا جسے وہ تیرے نزدیک تو ہے
کون سے غم نے تجھے چاٹ لیا اندر سے
آج کل پھر تو چپ رہتی ہے سب ٹھیک تو ہے
کسی صحرائی یا
اونٹ چرانے والے کو مرجان مِل جائے تو وہ اسے صرف اس وقت تک اپنے پاس رکھ سکتا ہے
جب تک اسکی اصل کا علم و اندازہ نہ ہو، جیسے ہی اُسے اصل کا علم ہو گا، وہ
نہ صرف اسکی ملکیت سے دستبردار ہو جائے گا بلکہ اپنی ذات سے زیادہ اس کے لیے
پریشان رہے گا۔
لیکن مرجان اگر کسی جوہری کو
مِلا ہے تو یقیناً وہ اسے اسکی شان کے مطابق سنبھال کر اور اکرام سے رکھے گا
کیونکہ وہ عالم بھی ہے اور خود اس قدر مقام رکھتا ہے کہ مرجان زیب کر سکے۔
اور اگر یہی ننھا خوبصورت پھول کسی جاہل کے ہاتھ چلا گیا ہے اور ایک ریوڑ کے درمیان پہنچ چکا ہے تو پہلے روز تو شاید وہ صرف ایک پتھر ہی کی حیثیت رکھے گا لیکن وقت کے ساتھ ساتھ اسکا یونانی افسانوں میں بیان کردہ کردار سچ ثابت ہو نے لگے گا۔ اسکا سحر سر چڑھ کر بولنے لگے گا، اور جلد ایسا وقت آئے گا کہ اسکا گِرد، اسکے حصار میں ہوگا۔